Chlausabig 2016

Am Samstig, 3.12., het de alljährlich Chlausabig vom DTV und em TV stattgfunde. Das Jahr hets allerdings gheisse: warm ahlegge.

Mir sind bim Jüggerli im Wald verusse gsi. Scho vo wiitem het mer s grosse Lagerfür gseh und die lut Musig vom Sven ghört.

S Für het eus vo use und de einti oder ander Grüentee au vo inne gwärmt. So simmer binere gmüetliche Rundi ums Für gsesse und hend die feine Hotdogs gesse. D Würstli dezeue hemmer gad selber ufem Füür heiss gmacht. Hmm so fein..

Spöter isch denn na de Chlaus zeme mitemene sehr stille Schmutzli gcho. S‘ Eseli het wie immer de Pfnüsel gha (Hypochonder). D Sprüchli sind au wie all jahr meh oder weniger kreativ gsi und de Chlaus het natürlich au de eint oder ander dummi Spruch mösse in Chauf neh. ;)

 

De Abig isch super vo de Tanja Kurer und de Lara organisiert worde. Ah dere Stell es herzlichs Dankeschön ah sie beidi und au an Jügge wo das ganze au ermöglicht het. J