RMS in Wülflingen 10.06.2017

Gmüetlich hemmer eus am 10i am BHF troffe und sind zemme mit em Zug uf Winti, den mit em Bus uf Wülflinge. Nach em Zelt ufbaue hemmer am 1 mit Ring agfange. S het leider paar üebeigsfehler und Stürz ghe, also mer chönd eus definitiv no steigere bis zum KTF. Die restliche Diszipine sind eigentlich zimlich erfolgrich gsi. Steihebe simmer 4te worde, Pendelstaffette 38te, 800m 8te was doch guet isch, da mer ja s erste mal 800m amne Turnfest mached, Speer 5te und Hochsprung simmer 10te, det hemmer leider nöd ganz chöne zeige, was mer chönd, da d Alage eifach nöd würklich heruusragend gsi sind. Schlüderball simmer  25te und Wurf simmer 6ti worde.

Den als krönende Abschluss isch no d GK gsi. Au wenn scho 6i gsi isch simmer mega unterstützt worde vom Publikum und s turne het so richtig Spass gmacht. Das het mer den au i de super Note gseh, es 9.11, wuuueeeh!!

D Party nacher isch au guet gsi, isch ja klar, wenn mir debi sind. De früehi Morge isch leider vo paar Unruhe gstört gsi und d Polizei het no müse cho, hoffemer das die a de nächste Turnfester nie meh muss cho!